السبت، 24 مايو، 2008

شمسي وقمري

يحكى أن :
الشمس الشموسة تشرق دائما في موعدها.. لم يمر يوم الا واشرقت وملات الارض بنورها .. تحتل مكانها في السماء وتراقب البشر .. تبتهج لبهجتهم وتحزن لحزنهم .. تنتظر اسنان الاطفال المخلوعة التي يلقونها اليها ، فتحتفظ بها لهم وتمنحهم بدلا منها اسنانا دائمة وقوية ..
ويحكى ان الشمس الشموسة قررت ان تشرق على الارض كلها ، الا نافذة تلك البنوتة ذات العينين الحزينتين.. الشمس الشموسة لا تحب الحزن ولا تطيقه ، كما انها - وهذا هو الاهم - لا تحب الغباء ، والبنت البنوتة ذات العينين الحزينتين ليست غبية ، لكنها - فقط - تصيبها نوبات غباء تفسد بها حياتها دون ان تدري.. انها لا ترى الا حزنها ولا تريد ان تمنح قلبها الفرصة ليرى من قد يمنحه البهجة ، وبسبب هذا الاصرار على الحزن قررت الشمس الشموسة الا تشرق على نافذتها .. ستحرمها من نورها
ويحكى اني كنت تلك البنت ذات العينين الحزينتين ، وصاحبة نوبات الغباء البشري المتكرر .. ويحكى ان الشمس الشموسة قررت - فجاة - ان تمنحني فرصة اخيرة لاصلاح ما اصر على افساده في حياتي ، وحين سمحت لقلبي ان يرى حب من اصبح زوجي ، قررت الشمس الشموسة ان تكافأني ، ولانها تكره الغباء ، فقد قررت ان تكافاني بذكاء .. صارت تشرق مع ابتسامة زوجي .. لو غضب قليلا تمتنع الشمس عن الاشراق.. تحتجب في عينيه وترفض السماح لنورها بالخروج الى الدنيا .. فقط حين يبتسم تخرج لتنير حياتي..
ولان عمر هو مزيج مني ومن زوجي ، صار القمر يختبئ بين شفتيه.. يضحك ويملا الدنيا نورا حين يبتسم عمر ، ويحرمني من بهائه حين افعل ما يغضب قمري الصغير
شمسي وقمري.. ربي يخلي

10 كلام الناس:

nonoymm يقول...

السلام عليكم
اول زيارة وساتابع باذن الله
يارب يبارك فيكم ويخليكم لبعض يارب ويهدي سركم
تحياتي

HERO يقول...

طيب خلي بالك بقى علشان انا ملاحظ ان الشمس بتغيب كتير اليومين دول ههههههه

ربنا يخليكوا لبعض ويخليلكوا عمر ويديم المحبة والفرحة ويطلع الششمس علطول ومش مشكلة نتحرق احنا من الحر بسيطة يعني

تحياتي

د/أبا يحيى وادم يقول...

السلام عليكم ورحمه الله وبركاته
برضه اول زيارة
وسوف اتابع
احساس جميل واسال الله أن يتم السعاده على تلك الاسرة ويبارك لكم فى عمر
والسلام عليكم

Unique يقول...

ربنا يخليهملك ويخليكي ليهم

تحياتي

BoBo يقول...

nonoymm
ربنا يخليكي ويباركلك كمان في اسرتك الجميلة
كان نفسي اشوفك يوم لقاء المدونين.. تتعوض باذن الله.. نورتيني
hero
الشمس اللي بتكلم عنها مبتعملش حر.. دي بس بتنور وتدفي
تحياتي
د/أبا يحيى وادم
شرفتني بمرورك.. وربنا يستجيب يا رب
Unique
امين
نورتيني
بوبو

dodda يقول...

ماشاء الله

ربنا يديم عليكى النعمه ويخليكو لبعض
___________________

من اول مره دخلت البلوج ده
وانا بتخيلك فراشه
بجناحات صغيره
وخصوصا..الصوره اللى حطاها

والنهارده اثبتى ان عندى حق
فراشه..صغنونه عايشه تدور على نور الشمس والقمر
ومطمنه ان عمرهم ما حيحرقوا جناحاتك الجميله

dodda يقول...

كل سنه وانت اطيب من الطيبه

واحبى من كل الفراشات

ربى يخلى شمسك وقمرك
ويبارك فيكو
@----و---

شفقة و احسان يقول...

ربنا يخلهولك يارب....اهو احسن من ناس كتير

BoBo يقول...

dodda
انا زعلانة منك خالص على فكرة.. من كام بوست عندك كدة دخلت سبتلك تعليق واقتراح وطلبت منك تردي عليا على ايميلي ولقيتك طنشتي خااااااااااااالص
عموما يا ستي نورتيني.. ومتشكرة موت على مجاملاتك الرقيقة اللي زيك دي
شفقة واحسان
ربنا يخليكي.. بس هو فعلا احسن من كل الازواج اللي في الدنيا.. بالنسبة لي
نورتيني
بوبو

dodda يقول...

يا لهوى يا لهوى....
انا اقدر على زعل الفراشه ام جناحات ملونه؟؟؟؟؟
والله مش طنشتك...
دا انا بدل ما ارد عليكى عندى جيت على هنا وكتبتلك....
وكنت فاكره انك حتفهمى ان تعليقك خاص جدا عندى مش مطنشاه...
مكسوفه من نفسى اوى انى زعلتك...
نفسى اشوفك والله
وعن موضوع المجله..انا مش عارفه ارد!!
انت شايفه عندى البلوج فيه حاجه تنفع للمجله؟؟؟
وتبوسيلى عموره كتييير اوى

ولو سمحتى مستنيه التااااج

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي