الجمعة، 5 سبتمبر، 2008

يوم ميلادك احلى عيد

النهاردة عيد ميلادك.. كل سنة وانت حبيبي.. يوم ميلادك مهم ، مش بس لانه يوم ميلادك - ودا لوحده كفاية عشان يكون اهم يوم في التاريخ - لكن كمان لانه اليوم اللي ربنا كان بيعملك فيه علشاني .. لما قابلتك حياتي اتغيرت .. بعدما كانت ملهاش معنى ولا ملامح وبالابيض والاسود ، بقت حلوة وبكل الوان الطيف

بشكر ربنا لانه خلقك ، لاني من غيرك اكيد كنت هكون اتعس انسانة في الدنيا .. بشكر ربنا وبطلب منه يخليك ليا ، واذا كان خلقك قبلي بخمس سنين ، فاتمنى يكون عمرك اطول من عمري ، وتكون ابتسامة عنيك هي اخر حاجة اشوفها من الدنيا

كل سنة وانت ف قلبي ملك على عرشه ، تقرر مين يدخل ومين نقفل في وشه الباب .. كل سنة وانت حبيبي وابو ابني وكل عيالنا اللي هييجوا بعده .. كل سنة وانت بتحبني كدة او اكتر.. وكل سنةوانت مالي حياتي

5 كلام الناس:

bos bos يقول...

كل سنه ووليد طيب وعقبال مليون سنه من الحب والسعاده بينكم يارب

أنا رايحة أجيب البخور يا بنتى محدش ضامن الظروف

وحشتينى

dodda يقول...

كل سنه وانت بالف خير انت و هو
ربنا يخليكوا لبعض ويبارك فيكو وف ذريتكوا
ربنا يديم الخير عليكوا ويديم فرحتة بيكوا ما شاء الل ولا قوة الا بالله

mostafa rayan يقول...

ربنا يديم عليكو الحب دةويزيد ويكتر
والله الواحد بيفرح قوي لما يلاقي ستات بتحب اجوزاهم كدة
ربنا يكرمني بواحدة تحبني كدة
كل سنة وانتي ووليد بخير وصحة وعافية

bos bos يقول...

ليكى تاج عندى روحى استلمية

عاشــــــ النقاب ـقــــة"نونو" يقول...

ربنا يديم عليكم السعادة والهنا يارب
ويجمع بينكم دنيا واخرة يارب العالمين
صدفة جميلة اوي تدخلي لاول مرة عندي يوم ميلاد زوجي
وادخل اول مرة عندك يوم ميلاد زوجك
ربنا يديم المودة والمعروف
وكل عام وانتم الى الرحمن اقرب
تحياتي

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي