الاثنين، 29 ديسمبر، 2008

عام من البهجة

انا بالابيض والاسود



بابا وهو صغير.. يا ترى شبهي؟





انا تاني بس بالالوان




انا وانا شكلي بريييييييييييييييييييييييء.. مع ان ماما بتقول ان شكلي شقي



مر عام.. لا اصدق اني استطعت اجتياز العام الاول من عمر ابني بنجاح.. عمر اليوم يتم عامه الاول في هذه الدنيا ، وحين استعيد ذكرياتي معه خلال ذلك العام اتعجب.. كيف مرت الايام بهذه السرعة ، وكيف استطاع هذا الصغير ان يملا حياتي بالفرحة والامل؟
يمر امامي الان احداث يومنا الاول سويا..حين افقت من البنج ورايت وجه
زوجي يبتسم لي ، فشعرت بالاطمئنان وغبت ثانية عن الوعي.. حين افقت تماما وطلبت ان ارى ابني - وكنت اعلم انه صبي - وكيف ابتهجت حين رايته، وحين ادركت انه جاء كما تمنيت ان يشبه زوجي.. كيف امضينا ليلتنا الاولى ساهرين بسبب بكائه ، وزوجي يحمله يهدهده ويقرا له القران ، وامي تحمله حينا ، ثم اصر انا على حمله ومحاولة تهدئته بنفسي
اتذكر كيف كنت اتمنى ان تمر الشهور الاولى بسلام ؛ لانه طفلي الاول وكنت اظن ان العناية بطفل معجزة لا تقدر عليها كل الامهات ، وكيف اكتشفت ان العناية بالطفل هي اجمل حدث في الدنيا
اتذكر ابتسامته الاولى لي ، وكيف جاءت كابتسامة ابيه .. حركته الاولى.. ضحكه ومناغاته وحبوه.. اتذكر احساسي حين نطق كلمة (بابا) ، وكيف انتظرت بشوق ان ينطق (ماما)، ولم اهدا الا حين نطقها.. اغمض عيني فارى وجهه بضحكته الشقية البريئة.. اصمت فاسمع صوت ضحكاته .. انظر امامي فاراه يحبو ويضحك ولا يترك شيئا في مكانه ويملا البيت علينا بهجة ، فاحمد الله ان منحني تلك النعمة ، واهمس لنفسي : فعلا زينة الحياة الدنيا
يمر علينا عيد ميلاد عمر ونحن في بلد غير بلدنا ، وبين اشخاص ليسوا اهلنا ، لكننا نكتفي بحبنا عن الاهل والوطن.. الى حين
ابني الحبيب.. كل عام وانت فرحة العمر وبهجة القلب.. عقبال مليون سنة يا حبيبي

12 كلام الناس:

dodda يقول...

كل سنه وانتوا طيبين
وربنا يبارك فى عمر

غير معرف يقول...

بوبو حبيبتى فرحت قوووووووى لما لاقيت الموضوع ده
وفرحت أكتر بفرحتك

وكل سنه وعمر حبيب قلبى بكل خير وعقبال مليون سنه

وتعرفى أنا كمان عندى نفس احساسك وبقول أن تربية طفل خصوصا فى الكام السنة الأولى صعب جدا وبفضل أقول لنفسى لما يكون عندى طفل هعمل ايه


وحشتووووووووووووونى جدا يارب ترجعوا بالسلامة ان شاء الله ونشوفكم على خير

bos bos يقول...

على فكرة انا اللى كتبت التعليق اللى فات بس نسيت احط اسمى

قلب ينبض بالحب يقول...

كل سنة وانتي بالف صحة وسلامة ووحشني عمر قوووووووووي ووحشتني شقاوته ومنكفتي فيه وانتي تبصيلي وخايفة عليه وحشاني قوي ياهبة وحشني كلكم يارب ترجعوا لينا بالسلامة يااااارب

اميرة الأحلام أماني يقول...

ربنا يبارك لكم في حبيب قلبي الشقاوات عموره ويخليكم لبعض وحشتوني بعدد نجوم السما ف ليله غاب فيها القمر والنجوم ملت السما وحشتوا عيوني نفسها تشوفكم بجد فارقين معانا

رئـــــيسـة حزب الأحلام يقول...

ازيك ياهوبا وحشانى اوى بجد
ربنا يسعدك ياقمر وسلميلى على عمر الكتكوت الصغير وربنا يفرحك بيه ان شاء الله
وابقى اسألى ياقمر وحشانى اوى
تحياتى

رئـــــيسـة حزب الأحلام يقول...

كل سنة وانت طيب ياعمر وعقبال مانشوفك فى احسن حال
دة تعليق لعمر

~*§¦§ Appy §¦§*~ يقول...

السلام عليكم
انتى سالتينى على الادويه هو مفيش نوع محدد قالوا ليه عليه
قالى اى حقن حديد تنفع للبنت فى السن ده
ولسه محتاجين اللى تقدرى عليه ممكن تجبيه
ده ايميلى ممكن تبعتى ليه عليه ولو عاوزه توصلى الحقن بنفسك ممكن اقولك توصليهم لمين فى المستشفى
butterfly_549@hotmail.com

اميرة الأحلام أماني يقول...

الظاهر انك اصبحتي كسوله مثلي تماما بعد ما كنتي نشيطه بس الله يكون ف عونك ومنتظره كتاباتك

BoBo يقول...

dodda
وحشتيني كتيييييييييييييير ومنورة مدونتي دايما يا رب.. اوعي تغيبي علينا كدة تاني.. دا انا جالي اكتئاب من كتر ما بدخل مدونتك ملاقيش جديد بس الحمدلله رجعتي وبقوة
منورة يا قمرة وعقبال ما ربنا يديكي عمر يطلع عينك بشقاوته كدة
ــــــــــــــــــ
بسبوسة القمرة
متقلقيش يا جميل اتجوزي انتي بس وهتلاقيني جنبك في كل خطوة من اول الحمل لحد الواد ما يبقى في الكلية
وحشتينا بجد
ـــــــــــــ
قلب ينبض بالحب
اديني يا ستي جبتهولك عشان ميبقاش في نفسك حاجة.. هو برضه بيحب مناكفتك على فكرة
منوراني يا جميل
ــــــــــــــ
اميرة الاحلام موني
اختي حبيبتي وحشتيني والله.. اديني جيت اجازة عشان اشوفك مخصوص لانك انتي كمان والله فارقة معايا موت.. بوسة للواد نودة ولجنى برضه مش مشكلة
ـــــــــــــ
رئيسة حزب الاحلام
ربنا يخليكي يا احلى حلم في الدنيا .. عقبال ما نفرح بيكي كدة .. يلا بقى.. مش عاوزة تفرحينا ليه؟
انا مبسوطة جدا انك جيتي الاجتماع.. كانت مفاجاة حلوة خالص والله
منوراني دايما وعمر بيبعتلك بوسة
ـــــــــــــــــ
ابي
بعتلك ايميل زي ما يكون وقع في البحر وموصلكيش
عموما متشكرة برضه على اهتمامك وربنا يجازيكي كل خير لان الدال على الخير كفاعله
ربنا يقدرك دايما
ــــــــــــــ
موني
ربنا يشفينا من الكسل احنا الاتنين
ادعيلي

حسام غانم يقول...

كل سنة وانتوا طيبين

وربنا يخليهولك

العاب يقول...

بالتوفيق

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي