
اليوم دا مميز بالنسبة لي أنا وعمر.. ربنا يديك الصحة يا عمري
معلش يا جماعة.. بالنسبة يعني للناس اللي عندها حساسية من كلمة (مبارك ).. ملقتش غير عيد مبارك والله.. اعتبروها عيد سعيد
كل سنة واحنا كلنا طيبين.. يا رب يكون ربنا تقبل اعمالنا الصالحة وتجاوز عن اعمالنا السيئة.. يا رب نكون خرجنا من رمضان واحنا عتقاء من النار.. كل عام وكلنا بخير وربنا يقدرنا ونفضل مواظبين على التقرب من الله
لزوجي الحبيب ..كل عام وانت عيدي وفرحة عمري .. انا دعيت ان ربنا يجمعنا بذريتنا في الجنة باذن الله.. يا رب يتقبل
لعمر عمري الغالي .. يا رب يا روحي تعجبك البلالين اللي سهرت مخصوص انفخها عشان تصحى الصبح تلاقيها وتفرح بيها وتعرف ان العيد عدى على البيت وسابلك بلالين وعيدية.. ربنا يباركلي فيك وميحرمنيش منك وتكون ابن صالح
لفاتيما الغالية مامت يوسف روح قلب مامته وروح قلبنا كلنا.. انا قمت في الليالي الوترية من العشر الاواخر ادعيلك ان ربنا يرد يوسف لحضنك.. ان شاء الله هتسمعي عنه اخبار كويسة قريب.. مش عشان انا شيخة ولا حاجة لكن لاني متاكدة ان كتييييييييييييير غيري سهروا يدعولك.. وباذن الله ربنا هيستجيب
مفيش أحلى من كلامه عني
ياحبيبتي الأرض إنتي
والسما و كل المدى
يا حبيبتي الدنيا إنتي
والكواكب و الفضا
ياحبيبتي الجاي إنتي
وإلّي فات
و إلّي راحوا