الأحد، 20 سبتمبر، 2009

عيد سعيد.. مش حاجة تانية والله




معلش يا جماعة.. بالنسبة يعني للناس اللي عندها حساسية من كلمة (مبارك ).. ملقتش غير عيد مبارك والله.. اعتبروها عيد سعيد
كل سنة واحنا كلنا طيبين.. يا رب يكون ربنا تقبل اعمالنا الصالحة وتجاوز عن اعمالنا السيئة.. يا رب نكون خرجنا من رمضان واحنا عتقاء من النار.. كل عام وكلنا بخير وربنا يقدرنا ونفضل مواظبين على التقرب من الله

لزوجي الحبيب ..كل عام وانت عيدي وفرحة عمري .. انا دعيت ان ربنا يجمعنا بذريتنا في الجنة باذن الله.. يا رب يتقبل


لعمر عمري الغالي .. يا رب يا روحي تعجبك البلالين اللي سهرت مخصوص انفخها عشان تصحى الصبح تلاقيها وتفرح بيها وتعرف ان العيد عدى على البيت وسابلك بلالين وعيدية.. ربنا يباركلي فيك وميحرمنيش منك وتكون ابن صالح


لفاتيما الغالية مامت يوسف روح قلب مامته وروح قلبنا كلنا.. انا قمت في الليالي الوترية من العشر الاواخر ادعيلك ان ربنا يرد يوسف لحضنك.. ان شاء الله هتسمعي عنه اخبار كويسة قريب.. مش عشان انا شيخة ولا حاجة لكن لاني متاكدة ان كتييييييييييييير غيري سهروا يدعولك.. وباذن الله ربنا هيستجيب


5 كلام الناس:

ليس فقيرا من يحب يقول...

السلام عليكم

كل سنه وانتى طيبه ياحبيبتى

عيد سعيد عليكى وعلى كل حبايبك يارب

ربنا يسعدك دايما

مجرد مدونة يقول...

عيد مبارك
وده من حسنى حظك
وربنا يجعل أيامنا مليانة جمال :)

فاتيما يقول...

يا حبيبة قلبى ى ى ى ى ى ى
ربنا ما يحرمنى انا و يوسف
من قلبك الطيب
كل مدى ما بعرف شوية شوية
سر العشق الخالص
من حبيبك وليد
بصراحة
عنده الف مليون حق
يحبك كدا
و اكتر من كدا
ربنا يحرسكم و يخلى أسرتك الصغيرة الكبيرة حبا و خيراً
حركة البالونات دى كنت بعملها مع يوسف
كنا بننفخ البالونات و نحطها فى الصالة و نقعد نلعب بيها كل عيد
بوسة لعمر و حضونة ليكى
و عيد سعيد عليكم كلكم يا حبيبتى

BoBo يقول...

ليس فقيرا من يحب
وعليكم السلام يا قمر
كل سنة وانتي بالف خير وربنا يسعد ايامك
منورة دايما




مجرد مدونة
ليه الكلام الكبير دا بس (:
كل سنة وعيدك مش مبارك ولا نظيف ومفيهوش اي جمال ;)دي دعوة ليك مش عليك على فكرة





فاتيما الغالية
بتحرجيني والله بذوقك ورقتك وكلامك اللي بيسعد قلب كل فرد في عالم التدوين
ربنا يكرمك ويردلك الغالي وساعتها كلنا هننفخله بلالين كتييييييييييييير لان يوم رجوعه هيكون احلى عيد
كل سنة وانتي وهو بالف خير

abou rayane يقول...

ahlan biki wa kollo 3am wa'anti bi'alfi khayr wa kollo osratéki el3aziiza.. chokran liziyyaratiki li rayane abourayane

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي