الأحد، 18 أكتوبر، 2009

شكرا على العمر الجميل


لان القلب لم يعرف معنى الحب قبلك.. صارت سنيني عيدا بوجودك.. ليست السنين فقط.. كل اللحظات تمضي معك وعنك وبك وكانها اعياد تشد اعيادا.. كانت ليلة القدر - حقا لا مجازا - حين عقدنا قراننا ، فارتبط اسمي باسمك الى الابد/ كما اتمنى

لم تكن لحظة تمر وورقة تُكتب ، بل كانت عمرا من السعادة ينتظرني ، فقط لاعرف اني حقا لم اعرف العيش قبلك ، ولم ارَ الدنيا قبلك وكنت يا حبيبي نائمة فايقظتني كيلا يفوتني جمال العالم

كانت ليلة القدر حقا وكان الكون يحتفل معنا.. نحتفل نحن بعقد القران ويحتفل الكون بليلة خير من الف شهر ، وادركت بعدها انها كذلك خير لعمري من كل عمري ، وان ما مضى كان بالفعل " عمر ضايع يحسبوه ازاي عليا ؟!!!!!" .. حين انحني في لحظة ما لاقبل يديك او راسك اوقن داخلي اني لا اقدم تنازلا ..انني فقط اشكرك على هذا العمر الهَني.. فكيف تكفي حياة واحدة لاشكر الله على نعمته؟ اظن ان الامر يشبه الملائكة -ولست ملاكا ولا اشبه نفسي بهم - التي تسجد لله منذ خلقها ولا ترفع راسها من السجود الا يوم القيامة ، فقط لتقول: " سبحانك ما عبدناك حق عبادتك ".. يا رب.. سبحانك ما شكرتك حق شكرك.. يا رب.. لك الحمد حتى ترضى ولك الحمد اذا رضيت ولك الحمد بعد الرضا

5 كلام الناس:

فاتيما يقول...

يا لهوتينى ى ى ى ى
عليكم يا بوبو !!!!
انا لسه جاية من عند وليد
انا مش عارفة اكتب حاجة
عارفة زى اللى عنده تخمة من اكله دسمة و شبعته و مش عاوز ياكل تلات اربع تيام بعدها
يا لهوى عليكم و على جمالكم
انا بخاف عليكم قوى
قوى
ربنا يخليكم لبعض
و يحرسكم من عيون الشر
و يخلى عمر و يبارك فى عمره و يخاويه
حلو قوى تشبيه احتفال الدنيا
بليلة القدر و بفرحكتم سويا
كل سنة و إنتوا ف حضن بعض
يا حبيبتى
بوسة و ..
لأ بوسة دا إيه ؟؟؟
عشرميت بوسة
و سبعتلاف حضونة يا حبيبتى

norahaty يقول...

قادتنى مدونة
فاتيما اليكِ كما
قادتنى الى مدونة كنج توت
قبل الان لانعم بكلمات الحب الصادق
والذى ادعو الله ان يديمه عليكم وعلى اسرتك الصغيرة ويخليلكوا عمر يارب.

ليس فقيرا من يحب يقول...

السلام عليكم

كل سنه وانتم طيبين ياروح قلبى

ربنا يباركلكم يارب

ويفرحكم بعمر واخواته ان شاء الله

BoBo يقول...

فاتيما الغالية
والله انا مش عارفة بس اقول ايه على ذوقك ورقتك وجمالك ..كفاية تعرفي انك في بالي دايما انتي ويوسف والله.. في بالي كتير بدون مبالغة وعلى طول ادعيلكم ونفسي كدة يوسف يرجع لحضنك وتتجوزي وتفرحي وتجيبيله بدل الاخ خمسة ولاد على بنات
ربنا يكرمك ويعزك انتي ويوسف يا رب
منوراني دايما يا قمرة

BoBo يقول...

norahaty
منورة المدونة والله.. ربنا يتقبل دعواتك الجميلة دي ويكتبلك زيها باذن الله
فرحانة باول زيارة واتمنى متكونش الاخيرة
تحياتي



ــــــــــــــ

ليس فقيرا من يحب
وانتي طيبة يا اجمل رانيا في الدنيا..انا مقصرة معاكي خالص بس والله متابعة كل اللي بتكتبيه.. ربنا يكرمك وكمان يستجيب دعواتك اللي انا متاكدة انها طالعة من القلب
نورتي المدونة
بوبو

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي