الاثنين، 15 فبراير، 2010

خبر هاااااااااااااااام+تحديث


تحديث للحبايب

احنا خرجنا من المستشفى ووصلنا البيت بالسلامة والحمدلله.. الواد بيكا كان نايم من ساعة ما فوقوه في اوضة الافاقة لحد الساعة اربعة العصر وبعدين صحي ومقضيها انين وشوية نوم بس الحمد لله.. كله بعد كدة يهون.. بحبكم جدااااااااااااا يا احلى ناس واحلى قلوب في الدنيا

ــــــــــــــــــــــــــــــــــــــــــــــــ

بناءً على توصيات حارة من نعكشة والغالية ام بتول وروح قلبنا فاتيما ، وبناءً على تطمينات (كلام يطمن يعني) من البنوتة السكورة شيما هيحصل ان الواد الشيكا بيكا عمر ابني خلاص هيعمل عملية اللحمية يوم الثلاثاء 16/ 2/ 2010 باذن الله .. مش عاوزة اوصيكم.. دعوات وحركات من دي لحد الواد ما يطلع من المستشفى ويرجع حضانته تاني.. انا قلقانة اوي بس كل الناس بيقولوا انها عملية بسيطة.. انا بصراحة مش قلقانة من العملية.. انا قلقانة منالتخدير.. ربنا يستر

26 كلام الناس:

الشعب لابد له من حكومه تشكمه يقول...

ياحبيبى تقوم بالسلامه ان شاء الله ياعمر,
هدعيله والله اباى طمنينا عليه,
وهى عمليه بسيطه ان شاء الله متقلقيش.

صبرني يارب يقول...

الف سلامه عليه ان شاء الله ربنا يقومه بالسلامه

انا كمان بارتب لعملية لحميه لمريم برضه والله

ان شاء الله خير ربنا يستر ما تقلقيش

خالد ابنى عمل عملية خد بنج اكتر من ساعه
وهو عمره شهر

ما تقلقيش ان شاء ا لله خير

ستيته حسب الله الحمش يقول...

بإذن الله بسيطة وتمر زي الفل
بس امانة عليكي تطمنينا مباشرة ولو بكلمة واحدة بس
ربنا يكرمك ويخليه ويرجع حضانته يوم الأربعاء :)
احنا عاوزين واد شديد كده مش من بتوع الزمن ده

فاتيما يقول...

الف سلامة على عمر يا هبة


التنبؤات بتاعتى جت بدرى
عن معادها و لا إيييييه؟؟؟

طب مش مشكلة المهم
انه ان شاء الله هيقوم بالسلامة
و يبقى زى الفل


متقلقيش من التخدير
هوه اصلا يا حبيبى صغنونة خالث
و مش هيحتاج كمية بنج كتير
حسب وزنه ...انا عاملة داكاتورة دلوقتى عشان اطمنك يعنى


انما ان شاء الله
هيكون زى الفل


طب يعنى ينفع تقوليلى هتعملوها فين
و آجى اقف معاكوا لحد ما العملية تخلص و لا يكون فيها تطفل منى ؟؟


لو مش عاوزين قلبة دماغ
خلاص ...مش هتقل عليكوا
بس زى ما ستيتة بتقول ...
و النبى تطمنونا بمجرد خروجكم
غالبا هتخرجوا بعد العملية بساعة ساعتين بالكتير
و تدوها فى ايس كريم و جيلى
للشقاوة زى ما كانوا بيعملوا معانا زمااااان

و تطمنوناااااااا بالله عليكم

حمدلله على سلامته مقدماً
و من هنا لبكرة قلبى
هيدعيله دون توقف
إن ربنا يسلمه من كل شر


الف سلامة يا حبيبتى
متقلقيش انتى و وليد و النبى
هيبقى زى الفل

موناليزا يقول...

ربنا يقومه بالسلامة

Wanda يقول...

يقوم بالف سلامة
متقلقيش خالص
عملناها قبله
و لعلمكك العمليات ديه خفيفة على الصغيرين و ثقيلة على الكبار

انا واقفة وراء دكتور التخدير بالمسدس
لو عمل حركة كده و لا كده
اخلصلك عليه و عمر برضه حيقوم بالسلامة
متخفيش


استعدى انت بس بالجيلى يالله
و الايس كريم
و المهلبية و الكاستر
و الفتة (دي علشان احنا مش علشانه :-))

أم بتول يقول...

بألف سلامة يارب
أن شاء الله ها يخرج و يبقى زى الفل
مش تخافى و الله ان شاء الله بسيطة خالص
أهم شيئ تطمنينا أول ما يخرج بالسلامة
وزى فاتيما ما قالت ما قالت لك ساعة أو أثنين بالكتير بعدها و تخرجوا بألف سلامة
يارب يارب أشفيه و أعفى عنه و عافيه و أكتب له السلامة فى كل أمر .
ياترى فى و سيلة نقدر نطمن علية بيها لأنك طبعا مش معقول ها تقدرى تدخلى وتطمنينا على طول .

أم بتول يقول...

عارفة أهم شيئ أيه أن صحتة ها تبقى احسن إن شاء الله و ها يبقى زى الفل ، وما تنسيش تاخدى له معاك بلونة أو كورة علشان لما يفوق من البنج .

فاتيما يقول...

صباح الخير يا بوتى


دا دلع أم بتول يا غجر
محشش له دعوة


حلو قوى اقتراح البالونة دا


او لعبة جديدة كدا يكون نفسه فيها او بيحبها عشان هيبقى صاحى من البنج معكنن خلقة

ربنا يطمنا عليه

و عليكى يا هبة منا عارفكى هتقعدى مرعوبة لحد ما يطلع بكرة و تروحى بيه انتى و وليد ....
ربنا يطمنكم يا حبيبتى إن شاء الله

bobo يقول...

ازيكم كلكم.. انا بحبكم جدا ومبسوطة ان فيه ناس حلوة زيكم في حياتي.. لازمن وحتما هطمنكم اول ما يوجد ما يستدعي الاطمئنان.. ما هو مش معقولة ساعة القلق اجري عليكم وساعة الاطمئنان انساكم.. متصحش خالص
هو يا طمطم مش موضوع تطفل خالص.. اوعي تقولي كدة تاني.. دا انتو اهلي لاني غالبا فعليا مش هيكون معايا حد غير ربنا سبحانه وتعالى ووليد.. بس الحكاية انه هيعمل العملية الساعة سبعة الصبح باذن الله ويخرج اربعة العصر.. مظنش هتلحقي تيجي والمستشفى ف مصر الجديدة.. بعيدة عليكي اوي يا روحي.. كانك جيتي والله.. كانكم كلكم جيتو

ليس فقيرا من يحب يقول...

الف سلامه عليك يابيكا

يارب يشفيه ويعافيه ويقومه بالسلامه

ويطمنك عليه يا حبيبتى

متقلقيش منها خالص دى عمليه بسيطه اوى

ربنا يحفظكم يارب

بت خيخة وأي كلام يقول...

ازيك يا هبة وازاى وليد

ان شاء الله يا حبيبتى
عمر يقوم من العملية زى الفل
ويرجع بيته بالسلامة
ونطمن عليه كلنا

reem يقول...

ازيك ياهبة عامله ايه

الف الف الف سلامة على عمر

وربنا يطمنا عليه ان شاء الله بكرا

ومش تقلقي يا قلبي باذن الله العملية تكون سريعة وبسيطة والعمليات دى فعلا الحمد لله بالنسبة للصغيرين بتكون اسهل

ربنا يقومه بالف سلامة ويبئا زى الفل

وربنا يحميه لكى ولباباه يارب ويخليه لكم ويخليكو له

بليز تطمنينا عليه على طول

ووصلى له منى 100 بوسة

50 مقدم قبل العملية و50 بعد ما يخرج من العملية ان شاء الله تعالى

اقصوصه يقول...

الله يطلعه بالسلامه يا رب :)

Wanda يقول...

طبعا
مش حتقروا حاجة دلوقت
بس حتحسوا اننا بندعيله هو يققوم بالسلامة على طول و انتم قلبكم يكون مطمن و مليان بالسكينة
يارب

فاتيما يقول...

انا كمان زى وندا ما بتقول يا هبة

بدعي لعمر ربنا ياخد بيده و يطلع زى الفل و تطمنوا عليه و والنبى تطمنونا قدر امكانكم بعد رجوعكم و حططانه فى السرير و مرواحه فى النوم

ربنا يكرمه ان شاء الله يا حبيبتى

و الف حمدلله على سلامته من دلوقتى ى ى ى

bos bos بسمه عبدالباسط يقول...

ان شاء الله هيقوم بكل سلامة وهيرجع ينور البيت من تااااااانى

ما تقلقيش وإن شاء الله كله يبقى تمام

أم بتول يقول...

أن شاء الله يكون عمر فاق من البنج و بألف خير ، يارب تطمنينا علية لو اعرف أن المستشفى فى مصر الجديدة كنت جيت لك و الله يا بوبو .
يارب أشف أنت الشافى لآ شفاء إلا شفاؤك شفاء لا يغادر سقما .

فاتيما يقول...

هاااه

ايه الاخبار

انا عارفة لسه السشاعة مجتش اتنين

انا قولت اتسنكح قصاد باب المدونة
يمكن حد يرميلنا أى اخبار و لا حاجة

مفيش ؟

طب هاجى تانى

ربنا يطمنا عليك يا حبيب طنط فاتيما يا رب

فاتيما يقول...

لسه مفيش اخبار؟



طيييييييييييب

هغلس تانى

خير إن شاء الله

فاتيما يقول...

الف سلاااااااااامة

الف مليون سلامة يا بوبو

ربنا يا حبيبتى يعافيه
و يبقى زى الفل إن شاء الله


احنا عاوزين نزغط الواد دا
و ناكله و يطولنا عشرة سنتى
خلال الشهرين الجايين
و متسالنيش ازاى ؟؟؟
هوه كدا

الف مليون حمدلله على سلامته
يا حبيبتى
تنفسى الصعداء بقى انتى و ليد


بكرة نيجى نطمن تانى بقى

سلااااااااام

Wanda يقول...

حمد الله على السلامة
الف سلامة
اهو كده مايعديها الا عمرو :-))
اخبار الجيلى ايه ؟؟
و الايس كريم :-) اهو الدنيا حر يمشى احر حلاوة

و الفتة :-)) عارفة همى على بطنى :-)))

الشعب لابد له من حكومه تشكمه يقول...

الحمد لله على سلامته يابوبو,,

ربنا يخلى عمر ويبارك فيه يارب وتشوفيه احلى عريس فى الدنيا ان شاء الله.

اباه طنينا عليه فى اليومين الجايين ان شاء الله...

blackshwak يقول...

الحمد لله علي سلامته
وبأذن الله يكون تمام

reem يقول...

الف حمد لله على سلامة عمر

ربنا يطمنك عليه يارب انتى وباباه ويتمم شفاه على خير

افتكرتى البوسات ياهبة ولا نسيتى ؟

دى امانه

ربنا يخليه لكم يارب ويبارك لكم فيه
ويارب تشوفيه عريس زى القمر

samamasr يقول...

ألف مليون سلامة عليه
ألف مليون سلامة عليه

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي