الأربعاء، 17 فبراير، 2010

تعالوا زورونا



من ساعة ما عرفت زوجي كينج توت وانا مؤمنة تماما بموهبته في الكتابة ، وكنت كثيرة الالحاح انه يحاول نشر ما يكتب في كتاب ، ولانه غير مقتنع ، قررت اني اقدم باسمه في مسابقة للنشر للقصة القصيرة والشعر ، و كان كفاية بالنسبة لي اعرف انه من ضمن اسماء لجنة تحكيم الشعر بهاء جاهين ، والحمد لله فازت له قصيدة وقصة قصيرة ، وبناءً على ذلك :

نتشرف بدعوتكم لحضور حفل ختام مهرجان نشر جماعى الاول

الحفل يوم الجمعة الموافق 19 فبراير 2010

نرحب بحضوركم من الساعة الخامسة

بالحديقة الملحقة بمركز محمود مختار الثقافى -امام دار الاوبرا المصرية وبجوار نادي القاهرة

سيتم تكريم الفائزين ومنهم زوجي الحبيب.. اتمنى تنورونا لاني بجد بحبكم

15 كلام الناس:

Baskouta يقول...

الف مبروك يا بوبو
مبروك ليكي ولعمر ولبابا عمر
تحياتي البسكوتية

فاتيما يقول...

الف مبرووووووووك يا هبة

انا جاية ان شاء الله

مش معقول افوت حاجة زى دى

احنا عندنا كام كنج توت و بوبو

ازى عمر دلوقتى ؟؟؟

يا رب يكون بألف خير يا رب

الف مبروك يا حبيبتى

محمد فؤاد (صاحب عمود النور) يقول...

الف مبرووووووووووووووووك
هو فعلا فنااااان جدااااااااااااا وربنا يكرمه ويزيده

Wanda يقول...

الف مبروك يا بوبو
ليكى فرحتك المزدوجة
و لعمرو سلامته
و لكينج توت جائزته

معلش بس اعتبرنى
كانى موجودة

bobo يقول...

baskouta
ازيك يا بسكوتة يا جميلة.. ميرسي على ذوقك ودعواتك لعمر والله يبارك فيكي يا حبيبتي
تحياتي يا احلى بسكوتة في الدنيا


فاتيما الغالية
ازيك يا طمطم.. مش عارفة اقولك ايه ولا اشكرك ازاي على سؤالك عن عمر.. اصل انا اللي يهتم بعمر يبقى ملك قلبي للابد.. وانتي اصلا قاعدة ف قلبي ومتربعة من غير حاجة يا قمرة وانا كنت متاكدة انك هتيجي.. اصلك طول عمرك يا طمطم وانتي سباقة في الخير والذوق والمجاملة ومتفوتيش فرصة تقدري تدخلي الفرحة على قلب حد الا وتنتهزيها.. ربنا يخليكي يا رب ويباركلك في يسوفة

bobo يقول...

محمد فؤاد
ازيك يا محمد.. انا برضه رايي انه فنان.. ربنا يبارك فيك ويكرمك
تحياتي





واندا
ازيك يا قطة.. عاملة ايه؟ وايه اخبار جيرانك معاكي؟ انا متاكدة انك لو موجودة هنا كنتي هتيجي .. اصلك من الناس الحلوة اللي قلوبها الماظ وانا بجد بحبك في الله.. كانك جيتي والله

شاب فقرى يقول...

إن شاء الله هكون موجود
وألف ألف ألف وعقبال الكتاب يارب
ومبروك الفوز فى المسابقة
ويارب دايما بخير وفى تقدم
شاب فقرى

ستيته حسب الله الحمش يقول...

الف الف مبروك
ما شاء الله
هو يستحق النجاح وانتي تستحقي الفرحة
ربنا يكرمكم يارب وفرحانة لكم جداااااااااااا
ان شاء الله اجتهد اكون موجودة وافرح معاكم وكمان اشوف فافي اللي مش بشبع منها
ربنا ييسر ان شاء الله
وتحت اي بند ألف مبروك وربنا ينجحكم ويفرحكم بعمورة يارب

jafra يقول...

الف مبروك كنت بتمنى اني اقدر احضر
بس اكيد رح تخبرينا عن اللقاء
تحية

صبرني يارب يقول...

مبرووووووووك مبرووووووووووك مبرووووووووك

ياريت اعرف اجي والله بس استبعد ذلك عشان الدراسه هاتكون بدأت طبعا

وبجد استاذ وليد فعلا كتابته تستاهل النشر وتستاهل ا لفوز

ربنا يوفقكم دايما

اخبار عمر ايه طمنينى والنبى عليه

bobo يقول...

شاب فقري
انا مبسوطة اوي انك هتنورنا.. ربنا يبارك فيك ويكرمك يا رب دايما.. هنستناك.. اوعى متجيش


ست ستيتة
ربنا يبارك فيكي.. انا كنت عارفة والله انك من الناس اللي قلبها حليب وهتفرحلنا حتى لو مقدرتش تيجي.. بس هكون فرحانة اوي اوي لو جيتي.. انا بحب اشوفك دايما حتى لو متكلمناش.. ربنا يكرمك ويعزك يا رب


جفرا
منورة مدونتي واول زيارة ليكي تيجي على فرحة.. وشك حلو.. انا متشكرة اوي وبجد انا كمان كان نفسي تحضري.. معلش.. كانك معانا بالظبط.. فكرتي تيجي مصر مرة ونتنور بيكي؟




صبصب صبرني حبيبتي
ربنا يخليكي يا حبيبتي ويبارك فيكي.. عقبال مشروعكم السري ما ينجح ويكسر الدنيا كدة.. عموري الحمدلله كويس وبدا شقاوات تاني بس لسه منزلش الحضانة.. هينزل من يوم الاحد باذن الله.. اطمني واعملي العملية لمريم اديكي جربتي فينا وطلعت الحمدلله كل حاجة تمام.. هي مريم عمرها اد ايه؟ وقررتي تعمليها خلاص ولا لسه بتشاورو عقلكو؟
على فكرة لو جيتي هتبقى مفاجاة تحفة بس لو مقدرتيش انا عذراكي طبعا.. ربنا يكرمك ويباركلك في الولاد وابوهم.. تحياتي ليهم وليه

همس الاحباب يقول...

الف مليون مبروك
ان شاء الله هاجى ابارك بنفسى
وخصوصا ان المكان قريب من مكان شغلى
تحياتى

سمو الأميرة سارة يقول...

انا كمااااااااااان رايحة
بس يارب اعرف الاقيكم هناك والف مليوووووووووووووون مبرووووووووووووك لكنج توت

ليس فقيرا من يحب يقول...

مليون مبروك لابو عمر

مبروك عليكى يا احلى بوبو

ربنا يوفقكم ويسعدكم

فاتيما يقول...

هبهوب

انا رجعت
و غيرت
و فتحت الجهاز مخصوص
عشان أقولك



انى متشكررررررررة جدا
على كل حاجة حلوة النهاردة
حصلت بسببك انتى و وليد



شكرا على الحفلة الجميلة
و انك سمحتلينا
نشاركك الفرحة دى



شكراً على اللمة الحلوة
و الونس
اللى مش سهل الواحد يلاقيه
و لا يستشعره
مع حد
الا ناس طيبين زيكم



شكراً على وجودك انتى و وليد
قصادى طول الوقت

عشان بتحسسونى دايما
و تفكرونى
ان الدنيا لسه بخير
و ان الحب لسه بخير
و ان الجواز لسه بخير
و انى محظوظة بمعرفتكم
اللى كلها خير


و شكولاااااااااتة
و فيسكافيه مفتخر
و كتب ببلاش كماااااااان
و متاخدونيش على كدا
لحسن هتمرع
و اخد ع الدلع


بحبكم قوى
و الف مبروك لوليد
من قلبى قوى

و عقبال ما نجيلكم دايما
ف الأفراح يا رب

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي