الأحد، 2 مايو، 2010

يقين


يقولون عني كثيرا كثيرا
وأنتَ الحقيقة لو يعلمون

*من قصيدة لفاروق جويدة (بتصرف)


25 كلام الناس:

ميرا ( وومن ) يقول...

لو يعلمون

مش لاقية كلام اعلق بيه علي فكرة

همس الاحباب يقول...

امممممممممم
ربنا يسعدك ويوفقك دائما
لانك والاخ وليد تستاهلوا كل خير
ربنا يبارك ليكم فى عمر
تحياتى

لولا وزهراء يقول...

بوبو

اول زياره هنا بس ان شاء الله مش الاخيره
تسلمى على كلماتك الرقيقه

زهـــــراء

ليس فقيرا من يحب يقول...

ربنا يسعدك ويبارك فى كل احبابك
ويقر عنيكى دايما

بوبو يقول...

ميرا
ولا يهمك.. كفاية انك تمري من هنا.. بتنوري المكان كله.. احلويتي على فكرة.. ما شاء الله نمسك الخشب.. بس.. ممممممممم.. عنيكي عاملة نفسها بتضحك بس مبتضحكش

بوبو يقول...

همس الاحباب
منور يا خالد..انا اتاكدت اننا نستاهل الخير لما ربنا كرمنا بمعرفة ناس زيك وزي كل الاحباب اللي اتجمعوا امبارح.. ربنا يباركلك ويكرمك يا رب

بوبو يقول...

زهراء
اول زيارة ليكي بس مش اول معرفتي بيكي.. متابعاكي دايما في مدونتك وعند وليد.. منورة والله.. يا رب متكونش اخر مرة

بوبو يقول...

ليس فقيرا من يحب
ولكي مثلها باذن الله.. يااااااااااااااه.. فينك من زمان؟ وحشتيني اوي.. بفرح لما الاقيكي معدية من هنا.. متحرمنيش من طلتك

Doba يقول...

قليلاُ ما أقابل من يتمتعون برضا الحياة
بالمتعة ف أعينهم تجاه أزواجهم
وبفرحهم بوجود أطفال تلك النعمة الجليلة

بالفعل الرجل هو عماد الحياة
إن أصلح تصلح معه الزوجة وتصلح تربية الأبناء

أمنياتى بكل السعادة لقلوبكم انتو التلاتة وعقبال متبقو أربعة إحساس تانى على فكرة


كنت فاكرة ان لما نجيب بيبى تانى الحياة هتبقى دوشة لكن وجود عمر خلانا نحس اننا اسرة بجد لان فيه احساس أخوة وتآلف وحب مابين الكل

عقبالكم
ودايما ف حالة حب يارب

هبة

فاتيما يقول...

ربنا يسعدك يا بوبو
و يخليلك وليد و عمر


انتى يا بنتى نموذج للزوجة الصالحة
و الحبيبة المخلصة
و النسانة الطيبة
اللى صحبتها كلها خير

بجد كل مرة بشوفك استوعب حاجات سبحان الله وليد عرفها من مجرد مجييك من بعيد قصاده ...قلب المؤمن و المحب العاشق اللى ربنا فاتح عليه و عاوز يهاديه بأعظم كنوز الدنيا و هو الزوجة الصالحة ..يعنى انتى

ربنا يسعدكم و يهدى سركم و يبارك لكم فى عمر و يخاويه و يديكم راحة البال و الصحة و يبعد عنكم كل شر
يا رب

بحبك قوى يا هبة انتى و وليد و بيكا


و تعالى هنا قبل ما تاخدينى ف دكه


ايه النيولوك الحلو دا

و ايه الأختيار الرقيق
لفاروق جويدة دا

و ايه عنوان البوست التحفة دا

و ايه التحية الجميلة اللى انتى حطهالنا انا و يوسف و ريم على جنب دى يعنى مع رقيقة الرقيقات فى نوبة واحدة كدا ...
و منك انتى كمان يا هوبى ؟؟
طب اعمل ايه بس !!!

ربنا يخليكى ليا يا بوبو
انا هختفى خجلاااااااااااا دلوقتى
ماشى؟

بوسات و حضونات يا حبيبتى

reem يقول...

بوبو

يا قلبي انا بموت في فاروق جويدة

ربنا يخليكو لبعض يا رب ويخليكو عمر حبيبي

اللى بجد كنت مبسوطةاوى اوى اننا اتفاهمنا مع بعض انا وهو وكان بيكلمنى وانتو مش واخدين بالكو على فكرة بصراحة كدا خفنا نتحسد انا وهو

ههههههههههههه


انا مش عارفه اقولك ايه بجد ومش عارفه اوصف لك انا حسيت ايه لما شفت اسمى وشفت انك فاكرة عيد ميلادى بجد احساس لا يوصف من السعادة والفرحة بيكى

انتى عسوله اوى اوى وذوق اوى وميرسي ميرسي اوى اوى

انا اصلا بقول معقول دا انا مع فاتيما ويوسف يعنى افتكرتنى بوبو حبيبتى
وكمان جنب حبيبى فاتيما

ربنا يخليكى يارب يا بوبو وبجد انا فرحانة اوى اوى بيكى وبصداقتك

ومبروك النيو لوك ياقمر عسول زى صاحبته

بحبك جدا وبوسيلى عمر بوسات كتيييير اوى

بوبو يقول...

دوباااااااااااااا
وحشتيني خالص.. اخبار يسوفة ومورة ايه؟ والله انا نفسي ف اخ او اخت لعمر بس واضح ان ربنا لسه ماذنش.. ادعيلنا
والله يا دوبا كل طرف في الجواز عليه مسؤولية انه ينجح العلاقة على اد ما يقدر وفي النهايةالتوفيق من عند ربنا.. ربنا يباركلك في اسرتك الصغيرة الجميلة ويعينك على مسؤولية تربية الولاد

بوبو يقول...

فاتيما الغالية ام الغالي
انتي برضه اللي هتختفي خجلا؟ انا اختفيت خلاص من رقتك وذوقك ولسانك الحلو.. عارفة يا طمطم؟ كان عندي واحدة صاحبتي لبنانية لما بقولها انتي حلوة اوي كانت ترد وتقولي: الحلا بعيونك.. انتي برضه يا طمطم عشان الحلا بعيونك بتشوفي الناس حلوين وانتي اللي حلوة الحلوات
مبسوطة اوي ان النيولوك عجبك.. انا برضه مبسوطة بيه اوي وفاتح نفسي افنن في البلوج.. وبعدين انتي كل شهر بتحطي عندك تذكيرات باعياد ميلاد الحبايب.. الشهر دا رقتك منعتك تحطي عيد ميلادك.. وانتي وريم بس اللي في مايو.. انا اصلي برضه عاملة تجميع لكل اعياد ميلاد المدونين وخداها من التعليقات اللي كانت عندك قبل كدة.. قلت دي اقل حاجة اقولك بيها انتي وريم اني بحبكم.. وانتي بجد الغالية ام الغالي

بوبو يقول...

ريم
بصي يا بنتي انتي جبتيلي شوية عقد وفيونكات ملهمش عدد.. دي الرقة تفوح حتى من تعليقك وكدة الغلابة امثالي هيتعقدوا.. عااااااااا
انا خدت بالي على فكرة من الاندماج اللي حصل بينك وبين عمر.. دي حتى فاتيما يا حبة عيني كانت متعقدة.. البونية من ساعة ما عرفتنا وهي تتودد للواد وتجيبله هدايا والله لو حد بيجيبهالي كنت وقعت ف غرامه فورا والواد برضه تقلان عليها مش عارفة ليه.. انا متاكدة انه بيموت فيها لان امه وابوه جواهم ليها كمية حب ومودة لانهائية.. بس هو ابني كدة تقيل حبتين
وبعدين يا حبيبة قلبي انا مش ممكن انساكي ابدا.. هي الناس الحلوة دي تتنسي؟ القلوب عند بعضها يا رومة.. انا كمان بحبك اوي وربنا اللي يعلم

فاتيما يقول...

بوبوووووووووو
يا قمراية

زودى عليهم يا ستى
قوس قزح وش الخير
13 مايو
انا هغش منك واكتب عندى انا روخرا
عشان اللى ميعرفش يعرف
و يبقى يروح ف عيد ميلادهم
يقولهم كل سنة و انتوا فى حياتنا
نور و فرحة

بحبك

بوبو يقول...

علم وتم التنفيذ يا جناب فاتيما
يومك احلى من حلاوتك وطيبتك وحنيتك يا رب.. شوفي يبقى يوم حلو اد ايه؟

reem يقول...
أزال المؤلف هذا التعليق.
reem يقول...

يا بوبو والله انتى اللى رقيقة وعسوله وطيوبة

ربنا يحميكى يارب ويخلي لك اسرتك الجميلة ويحرسكم يارب

من وقت ما دخلت عندك امبارح وانا بجد فرحانة وقلبي سعيد لانى حسيت فعلا زى ما قلتى ان القلوب عن بعضها

انا كمان غشيت منك ومن فاتيما بعد اذنكم طبعا وقلدتكم وقلت عندى لفاتيما وداليا كل سنة وهما طيبيبن


بوساتى الكتير لعمر حبيبي

فاتيما يقول...

إنشالله منحرمشى منك أبدااااااااا

بوسات و حضوناااااااااات
أد كدا

had-befham يقول...

جميله جدا على فكرة

سبهللة يقول...

جيت بس اقولك
انك واحشاااااانى جدا

بوبو يقول...

رومة الجميلة
انا اللي سعيدة اني قدرت اخلي انسانة جميلة زيك تحس انها سعيدة ولو لثواني.. انا بكتشف اني بعرف اعمل حاجات كويسة اهوه.. ربنا يخليكي ليا يا رب ويديم الحب بينا لوجهه الكريم.. امين


طمطم يا غالية يا ام الغالي
انشالله يا رب منحرمش منك انا كمان العمر كله..بحبك يا غالية

بوبو يقول...

حد بيفهم
انا شايفة كدة برضه.. اشكرك على مرورك واتمنى ميكونش الاخير.. منور

بوبو يقول...

سبهللة
ربنا ما يحرمني من حنيتك وذوقك ابدا.. انتي كمان وحشتيني اوي وعلى طول في بالي والله ومتابعة كل اللي بتكتبيه عشان اكون دايما مطمنة عليكي.. ربنا يكرمك ويباركلك يا رب

رحله البحث يقول...

هادور عليه بقى واقراها لانى مقرتهاش قبل كده
ازيكم ؟ يارب تكونوا كلكم بخير وسعاده
معلش مش باجى كتير بس ظروف بس باحاول اطمن على كل الناس على فترات
سامحونى بقى الدنيا كده
سلامى للاستاذ وليد وعموره بك

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي