الجمعة، 14 مايو، 2010

قمرين دول؟




كل سنة وانتي طيبة يا طمطم.. من كتر الكلام اللي ف بالي ليكي مش لاقية ولا كلمة منه.. مش جاي على بالي غير قصيدة حلوة بهديهالك هي والقلب والورد والشمعة اللي لونهم احمر دول


* خليكي زى ما انت
ما تشبهيش ولا حد
شالك الاخضر معدي
ما بتلمسوش الأرض
وتصحي الصبح تحكي
بس الجناين برد
خليكي زى ما انت
مولودة للحواديت و شم الورد

انتي فعلا يا طمطم متشبهيش ولا حد


كل سنة وانتي طيبة يا رومة يا ارق انسانة قابلتها ف حياتي.. بحبك اوي رغم اننا اتقابلنا مرات قليلة اوي.. بس الناس الحلوة تدخل ع القلب دوغري.. وضحكتك زي ما قال علي الحجار: * وليها ضحكة تعدل المايلة.. الورد الروز والفراشة الرقيقة دول فكروني بيكي



كل سنة وانتو طيبين.. وانا بحبكم.. يا احلى قمرين

* أحمد نصر عجيزة

* ليلى ويا ليلى

27 كلام الناس:

мαησηα يقول...

كل سنة وانتى طيبة وبخير

واحلى قمرين فعلا طيبين وبخير

ويارب دايما كده بينا الحب والخير ده مالى قلوبنا وبيونسنا ف غربتنا

تسلمى يا بوبو ويسلم لسانك وايدك اللى كتبت

ع فكرة بقه وحشتينى وافتكرى تدعيلى يا جميلة
بوسيلى عمور

فاتيما يقول...

اللى قولتيه عن ريم يا بوبو
شوية م اللى ممكن يتقال فيها
بجد هيا رقيقة الرقيقات زى ما قالت ستيتة تمام

اما القصيدة بقى
فياخراااااااااااابى يا بوب
حلوة قوى
انا هختفى خجلا يا ناااااااس

على فكرة ميرسى على لينك أحمد نصر
دا إكتشاف هايل ..جريت ما بين البوستات لقيته حكاية

انتى و وليد بتعرفوا تنقوا درر
ابقى اعمليلنا لينكات كدا علطول
ع الناس الحلوة دى

انا عمالة ارغى
و اغلوش ع الموضوع الاساسى
..عشان انا كمان مش لاقيه كلام
يوفيكى حقك با هوبى
انتى و وليد و عمر


كل سنة و انتوا طيبين
كل سنة و انتوا عيلتى
و اهلى اللى إختارهم قلبى


و اللى متهيألى ان ربنا اختارهمولى
عشان يقولى ان الدنيا مليانة خير
..بس انتى تقدريهم
حق قدرهم
و تعرفى تقوليلهم بحبكم
و كمان تلاحقى
تحمدينى عليهم


ألف حمد و شكر


وبحبببببببببببببكم قوى
قوى
قوى

reem يقول...

يابوبو ربنا يخليكى ليا يارب

طيب اقول ايه بس نا عن رقتك وذوقك وطيبتك

والله يابوبو انتى فعلا دخلتى قلبي كأنى اعرفك من زمان اوى

ومش عارفه بصراحة اقولك ايه على الكلام اللى قلتيه

ميرسي يا قلبي ياقمراية

وفاتيما دى بئا حبيبة الكل ولا يختلف عليها اتنين

دى الحنان والذوق والقلب اللى فيه مكان للكل

انتى بئا يا بوبو بصراحة مش عارفه اوصفك بس انا عارفه انك حاسه بمعزتك وغلاوتك عندى

ربنا يديم بينا المحبة يارب

بجد انا فرحاااانة اوى اوى ربنا يفرح قلبك يا توتة ويفرحك بعمر يارب

زى ما فرحتينى

يا احلى صديقاتى

بوسي لى عمر كتير وسلامى للاستاذ وليد

ربنا يخليكى ليا يا بوبو

ميرا ( وومن ) يقول...

انا شايفة البوست من امبارح ومقلقة أدخل

انا بقيت بتنتابني حالة من الحساسية وعنيا بتدمع ومراخيري بتحمر لما باجي هنا

ومقولكيش بقي لما مراخيري بتحمر بيقي شكلي ايه فشر بونوكيو يا بوبو

بس الحمد لله عملت حسابي وجيبت الكلينكس وجت سليمة المرة دي

قمرين وأنهي قمرين يا بوبو

حبيبة قلبي واختي الكبيرة بطوطي اللي وحشاااااااني موت ومش طايلة اسأل عليها وأطمن ( شوية صياح علي خفيف كدة )

عقبال 100 مليون سنة يا بطوطي كلهم سعادة وحب يارب اللي جاي يبقي أحلي من اللي فات

يارب ديماً معانا ومنورانا ومضللة علينا بقلبك الكبير

------------------

القمر التاني أبو ضحكة جنان وابتسامة ولا أروع

ريمو اللي وحشاني ووعداني بسهره بقالها فترة ومن ساعتها اختفت مش عارفة فين ( اه بصراحة جاية اصيح هنا )

كل سنه وانتي قمر كل سنه وانتي حبوبة كل سنة وضحكتك العسل دي مالية الدنيا

بوبو يقول...

منونة
وانتي طيبة يا قمرة.. منورة المدونة كلها.. انتي كمان وحشاني والله ونفسي نقعد قعدة بنوتاتي كدة ننم فيها ومفيش مانع نقطع فروة الرجالة اللي نعرفهم واللي منعرفهمش.. والله يا منونة بدعي لكل الناس الحلوة اللي عرفتها عن طريق المدونة بكل خير.. ربنا يجعلك نصيب من دعواتنا يا جميلة

بوبو يقول...

طمطم.. الغالية ام الغالي
كل سنة وانتي طيبة يا احن واغلى واطيب قلب في الدنيا.. ريم اكتر من اللي قلته عليها لكن انتي يا طمطم بجد متشبهيش ولا حد.. احمد نصر مدون موهوب جدا ومن اوائل الناس اللي بدات تدوين.. انا واحدة من الناس اللي متابعة تدويناته من اول ما ابتدا وبعدين قرر يبطل كتابة وزعلت اوي بس ما زلت محتفظة بلينك مدونته بدخل كل شوية اقرا فيها وكل مرة احس كاني بكتشفها لاول مرة.. وبما اني شريرة مكنتش عاوزة اتقاسم الكنز دا مع حد بس قلت القصيدة بتاعته مظبوطة عليكي بالملي زي مبيقولوا ولو مطلعتش عشانك تطلع عشان مين يعني؟ احنا كمان بنحبك اوي يا طمطم.. على فكرة واحدة صاحبتي طلعت عمرة من يومين وطلبت مننا نكتب الدعوات اللي عاوزينها تدعيهالنا قدام الكعبة.. كتبت في الورقة انها تدعيلك يوسف يرجع لحضنك وحملتها امانة انها متنساش.. انتي فيرقلبي يا طمطم.. والله

بوبو يقول...

ريييييييييييم.. يا احلى رومة في الدنيا.. والله يا ريم انتي احلى من اغنية علي الحجار بكتير.. انا اصلا فضلت محتارة مش عارفة الاقي كلام يوصفك يا بنتي .. وبعدين انا قلت 100 مرة انك عقدتيني وعملتيلي فيونكات كتير برقتك دي.. كدة مينفعش.. انا حاسة اني ولا فريد شوقي ف زمانه جنبك.. ربنا يكرمك ويباركلك في القمرين وخليكي عارفة اني بجد بحبك اااااااااااااااااااااااد الدنيا

بوبو يقول...

ميرا المرمورة
لا لا لا.. مقدرش انا على المراخير اللي بتحمر زي بينوكيو.. وبعدين انا بموت في بينوكيو اساسا.. ملكيش حجة يعني.. تدخلي هنا وتجدي ما يسرك وتفرحي وتخرجي وانتي بتدعيلنا.. احنا هنا مدونة (انتي كابة) .. متقلقيش خااااااااالص.. وبعدين انا بنبسط لما تنوري المكان.. مش شايفة الكراسي اللي على جنب دي وجنبها ورد عشان الناس اللي تدخل تقعد وتاخد راحتها؟
انما السهرة اللي متفقين عليها دي انا فيها لا اخفيها.. ماشي؟

فاتيما يقول...

فاتيما يقول...

بوبىىىىى

انتى مختفية فيييين ؟؟
يا رب تكونى انتى و وليد و عمر
بكل الخير يا حبيبتى

انا بس قولت اعدى اطمن
عشان قلبى متوغوش عليكى

بوسات و حضونات
يا حبيبتى

فاتيما يقول...

انا كدا متوغوشة ع الآخر

ربنا يطمنى عليكم

يا رب

bos bos بسمه عبدالباسط يقول...

جيت أقولك أنك وحشااااااااااانى جدااااااااااااااااااااااااا

Wanda يقول...

:-)
اول مرة اخذ بالى انك غيرتى شكل المدونة
بس ليها طعم ثانى

انا جاية اقول كل سنة و انت طيبة يا بوبو و عقبال كل سنين الفرح و السعدة و الهناء

اخبار سبيس تون ايه :-) و عمر لسه متابع و لا بطل و قلب على الجزيرة اطفال ؟

فاتيما يقول...

كدا الحركات دى يا وندااااا

ماشى ماشى

هفوتها عشان خاطر بوبو و عيد ميلادها


كل سنة و انتى طيبة يا أرق مخلوقات الله
انتى مش محتاجة تعرفى غلاوتك عندى يا بوبو
انتى و وليد و عمورى

انا بحبببببببببببكم قوى قوى
كل سنة و انتوا زى الفل و زايدين واحد بقى زهقتونااااا
الله

دى منى
http://www.glitter-graphics.com/graphics/693672

فاتيما يقول...

و دى اكيد من عمر بيكا ليكى

http://www.glitter-graphics.com/graphics/579688

فاتيما يقول...

دى فكرتنى بوليد معرفش يمكن لأنها بلون قلبه الصافى المليان الغرقان بحبك و انتى الورد اللى مزينها يا حبيبتى
http://www.glitter-graphics.com/graphics/976576

فاتيما يقول...

انا بحبك قوى ى ى ى ى يا بوبى
و بحب وجودكم ف حياتى من اول يوم لحد النهاردة و ربنا يا حبيبتى يديم الود لحد ما نحضر أفراح عيالنا و سبوع عيالهم و اكتر
يلا انشالله ما عن حد حوش

كل سنة و انتى مدفية قلوبنا كلنا يا حبيبتى

يا أرق مخلوقة ف الكون

بحبك و الله

فاتيما يقول...

كل سنة و انتى طيبة يا حبيبتى

بوبو يقول...

bosbos
وحشتيني اوي انتي كمان.. ومبسوطة بجد انك رجعتي تكتبي تاني.. ربنا ميحرمناش من طلتك ابدا

بوبو يقول...

واندا
وحشتيني كتيييييييييييييييييييير.. عاملة ايه؟ ربنا ما يحرمني من ذوقك ابدا.. كل سنة واحنا كلنا بنحب بعض كدة واكتر
عموري لسه شقاوات زي ما هو وبيحب سبيس تون بشكل غريب جدا لدرجة اني بقيت اصحى من النوم اغني اغاني سبيس تون.. من كتر ما بسمعها طول اليوم بسببه.. حتى وليد والله مسلمش من سبيس تون.. بقى حافظ اغانيها هو كمان.. شايفة العيال بتعمل فينا ايه؟
خلي بالك من نفسك

بوبو يقول...

طمطم.. الغالية ام الغالي
انا محرجة اوي.. بتكسف لما حد بحبه يقولي كلام حلو.. ربنا ميحرمني منك ابدا.. من كتر حبي ليكي والله مش عارفة الاقي كلام اقوله بس ربنا عالم باللي جوايا واد ايه بحبك وبفتكرك وادعيلك طول الوقت.. ربنا يخليكي لينا كلنا يا طمطم لانك بجد القلب الحنين اللي بيساعنا كلنا.. بصي من الاخر كدة انا بعتلك ايميل روحي اقريه.. بحبك

reem يقول...
أزال المؤلف هذا التعليق.
reem يقول...

كل سنة وانتى طيبة يابوبو يا عيونى

ويارب يارب سنة سعيدة عليكى

انتى وعمر والاستاذ وليد

انا مش كنت عارفه عيد ميلادك امتى خااااااااااالص خالص

والنت عندى امبارح كان وحش اوى ولسا حالا عارفه
وانا بقول الشهر دا بحبه لييييييه

بجد كل سنة وانتى عسوله وطيوبة وقلبك ابيض ورقيق زى نا اتعودتنا عليكى دايما

انا زعلاااااااااانة خالص
ومكسوفة اوى اوى منك

بس فرحانة بعيد ميلادك وبجد انتى من احلى واعز الصديقات يا بوبو

نفسي اوى اشوفك واقعد معاكى كتيييييير

كل سنة وانتى اطيب والى الله اقرب
وفرحانة يارب بعمر وباخواته ان شاء الله وباباهم

بحبك جدااااااااااا

غير معرف يقول...

عزيزتى بوبو
كل سنة وانتى طيبة وعقبال 10000000سنة بوسااااات ل عمر بك

Single Mummy يقول...

غير معروف ازاى.؟؟المعايدة دى منى انا سارة سنجل مامى كل سنة وانتى طيبة يا قمر

ليس فقيرا من يحب يقول...

كل سنه وانتى طيبه يا ام عمر

وبالف سعاده وراحه بال وهنا

ويارب عقبال 100 سنه مع عمر وباباه

واخواته باذن الله

ربنا يسعد قلبك دايما

بوبو يقول...

سارة سينجل مامي
انا برضه قلت مين غير المعرف دا اللي بيهنيني بعيد ميلادي؟ ربنا يباركل فيكي يا حبيبتي وف ميزو حبيبي.. اخباره ايه؟ بوسيهولي كتيييييييير ويا رب تفرحي بيه دايما ونفرح بيه معاكي

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي