الاثنين، 17 أكتوبر، 2011

حياة = 1027 حرية




الشهيد أشرف المعشر.. أحد منفذي عملية الوهم المتبدد ، التي أُسر فيها الجندي الإسرائيلي جلعاد شليط .. تحل غدا الثامن عشر من اكتوبر الذكرى الخامسة لاستشهاده ، والمفارقة الغريبة ان الثامن عشر من اكتوبر هو تاريخ مولده ايضا.. ترى هل كُشفت له الحجب قبل استشهاده ؛ ليرى ان استشهاده سيمنح الحرية لكل هؤلاء الاسرى؟ هل يرى الان من مقام الشهداء ثمار تضحيته؟ ونحن.. كم تساوي حياتنا في ميزان الحياة؟
* للمزيد من المعلومات عن الشهيد

4 كلام الناس:

فاتيما يقول...

الله يرحمه


شوفى دلوقتى كام أم بتدعيله ؟
وكام أسرة بتدينله بالفضل ف رجوع ولادها
وكام طفل هينام ف حضن امه او ابوه بسببه ؟

مع وجعى ان كلب اسرائيلى واحد يتفك بألف شريف عربى ....
والمفارقة المؤلمة دى ...

لكن برضو

العمل الجليل دا
رد الروح ف القلوب


بحاول دايما اتخيا احساس أى شخص عنده ابن او اخ ف الأسر و أحاول مجرد محاولة انى اتخيل مشاعرهم بتبقى عاملة ازاى ...
مبقدرش اكمل ...
ازاى بيحطوا لقمة ف بوقهم
وهما مش عارفين واكل ولا جعان ؟
ازاى بيناموا وهما مش متأكدين اذا كان نايم ولا بيعذبوه ...
ازاى بتمر عليهم الأعياد والمواسم ؟
ازاى ؟
لما كنت اسمع جملة لو كان ميت كنت ارتحت دى ...
زمان مكنتش استوعبها قوى
واوقل انه كفاية عايش وممكن يوم يرجع ...
بس لما اتخيل انى عارفة كأم أو اخت انه ف الأسر وعند الكلاب دول ...
انا متخيلة لساعة واحدة البشاعات اللى ممكن تمر بخيالى وقتها وتدمر أعصابى ...

هذا الفتى النبيل
أنهى عذابات كل هولاء ...

دول مش 1027 حياة واحدة يا بوبو
اضربى فى عدد افراد اسرتهم
وبلداتهم
ووطنهم
واضربى كمان فى كل عربى يشعر بالفخر لأن فى شبابه من هم مثل هذا الرجل ...

حلو البوست قوى
قوى

يا ارق مخلوقات الله

-----
هبعتلك ميل
ابقى اقريه بقى
:)

بوبو يقول...

طمطم
منورة الدنيا
عندك حق ف كل كلمة قولتيها.. بس عارفة؟ انا متاكدة ان هييجي يوم الاسير العربي هو اللي يبادلوه بالف منهم .. دولة الظلم ساعة واحنا اصحاب الحق والقضية
انا مش قادرة اتخيل فرحة اهالي الاسرى عاملة ازاي.. خصوصا الاسيرات.. واللي مفرحني ان التبادل هيتم فيه الافراج عن جميع الاسيرات المعتقلات في السجون الاسرائيلية.. شوفي كام ام هترجع لاولادها.. وكام اخت هتنام في حضن امها.. وحياة الشهيد اشرف وكل اللي استشهدوا عشان مبدا اد غالية حتى بعد استشهادهم
كلامك دايما جميل ومميز يا طمطم.. بحبك جدا.. على راي بيكا
ـــــــــــ
قريت ايميلك الرائع بس نازلة دلوقت وهرد عليكي لما ارجع باذن الله

عالمى ازرق يقول...

شكرا على تذكيرنا به لانى شخصيا - وده اكيد تقصيرا منى - مكنتش اعرف عنه حاجه

الله يرحمه ويغفرله ويرزقه الفردوس الاعلى هو وكل موتانا وجميع من سبقنا بالايمان بالله

بوبو يقول...

عالمي ازرق
لا شكر على واجب.. انا نفسي مكنتش اعرف عنه حاجة لحد ما حصلت صفقة تبادل الاسرى فكان لازم اقرا واعرف.. وبالصدفة طلعت ذكرى استشهاده غدا ، وكانت فرصة نعرف كلنا عنه
ــــــــــــــ
مدونتك حلوة اوي.. زرتها دلوقت واكيد مش اخر زيارة :)

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي