الخميس، 29 نوفمبر، 2012

خلصت الحكاية

1 كلام الناس
 
 
 
 
خلاص.. شطبنا


الأربعاء، 24 أكتوبر، 2012

مقالات

2 كلام الناس
مقالي على موقع مجلة هي
بس للاسف مفيش عليه اسمي

السبت، 1 سبتمبر، 2012

سي علي اخو سي عمر

5 كلام الناس
الحمد لله رب العالمين

قمت بالسلامة ، وربنا رزقني واد حليوة شكل ابوه

اسمه سي علي

ربنا يباركلنا في عمر وعلي

صحيح انا كنت متعشمة لاخر لحظة ان الدكاترة يطلعوا غلطانين 

والسونارات كلها تطلع بايظة

واكون حامل في الست خديجة الشهيرة بـ ديجا

لكن الحمدلله على نعمته

علي برضه بالدنيا

وكميل خالص وهو عامل زي القطة اللي لسه مولودة

ومن غرائب القدر

انه اتولد يوم 21/ 8 

تاريخ ميلاد انسان غالي علينا اوي

هو والست مامته الغالية

فكان لازم اول ما افوق من البنج

اقول لجوزي: ابعتلها رسالة فرحها


الأحد، 3 يونيو، 2012

عيد ميلادي

5 كلام الناس


ليلة عيد ميلادي.. كنت ناوية احكي عن حبي ليك 
 وازاي بحس انك بتجهز لعيد ميلادي
 من قبله بشهر على الاقل
 وكنت هحكي كمان عن حبك 
اللي بيزيد في قلبي يوم بعد يوم
 لحد ما بقيت خايفة من كتر ما بحبك 
 عشان بخاف عليك من كل حاجة ممكن تضايقك او تؤذيك




وكنت عاوزة احكي عن عمر وعلي
 وازاي قريب باذن الله هنبقى اربعة
 مش تلاتة بس

  لكن للاسف 
عكننوا علينا
 والثورة شكلها صحيت م الغيبوبة 
ومبقاش ينفع احكي عن نفسي 
ومصر بتكتب مستقبلها من جديد
 بس برضه بحبك ♥ وبحب حياتي معاك

الخميس، 24 مايو، 2012

عن تلك اللحظة

5 كلام الناس
انتخبت بالأمس ، وتأخرت في كتابة هذه التدوينة ، لاني عدت من اللجنة مصابة بهبوط ودوار
استعددت لليوم جيدا.. عمر معي ، وفي حقيبتي زجاجة مياه معدنية ، زجاجة عصير لي واخرى لعمر ، وساندويتشات لان عمر رفض الافطار في البيت.. اوقفت سيارة اجرة مكيفة ، وانطلقت الى مجاهل افريقيا للذهاب الى اللجنة الانتخابية ، لان لجنتي على محل سكني القديم 
اندهش سائق التاكسي من حماسي للذهاب كل تلك المسافة البعيدة ، خصوصا مع حملي ووجود عمر في يدي.. لم اقل له انها لحظة فارقة امر بها للمرة الاولى.. فضلت الصمت
وصلت اللجنة لاجد زحاما كبيرا من السيدات ووجود شبه منعدم للرجال
دخلت اللجنة وادليت بصوتي وصورت ورقتي بكاميرا الموبايل تاريخا للحظة ، ثم خرجت
اضطررت لركوب توك توك ينقلني الى الشارع الرئيسي ، وسائقه كان شخصا يبدو بسيطا يرتدي جلبابا.. سالني : انتخبتي مين؟ قلت له : قول انت الاول انتخبت مين؟
اجابني : منتخبتش شفيق ولا عمرو موسى عشان واكلين مع مبارك على طبلية واحدة.. حرامية زيهم زيه
والاسلاميين يا مدام كدابين.. انا قبطي وانتخبتهم في مجلس الشعب وطلعوا كدابين
قلتله اومال انتخبت مين؟ قالي : حمدين صباحي 
نسيت ان اقول اني انا ايضا قد علقت صوتي امانة في عنق حمدين صباحي.. قد لا يصبح رئيسا هذه المرة ، لكنه لو فاز فهو يحمل امانة كبيرة اشفق عليه منها ، وارجو ان يعينه الله عليها ، واظنه على قدر الامانة


الأحد، 1 يناير، 2012

لن ننسى

4 كلام الناس

كيف السبيل الى الفرح ، والعام يمضي مخلفا ورائه الحزن والقهر والاسى؟ كيف نفرح وحق الشهداء ما زال مسلوبا ، وجراحات المصابين تبدو وكأنها رحات هباء؟ كيف نستقبل عاما جديدا ، والقلب محزون بفراق من قدموا ارواحهم ، لنستقبل عاما جديدا مفعما بالحرية والكرامة ، فاستقبلناه مسحولين ، ومنا من يتهم الشرفاء في شرفهم؟
لكِ الله يا مصر





عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي