الخميس، 24 مايو، 2012

عن تلك اللحظة

انتخبت بالأمس ، وتأخرت في كتابة هذه التدوينة ، لاني عدت من اللجنة مصابة بهبوط ودوار
استعددت لليوم جيدا.. عمر معي ، وفي حقيبتي زجاجة مياه معدنية ، زجاجة عصير لي واخرى لعمر ، وساندويتشات لان عمر رفض الافطار في البيت.. اوقفت سيارة اجرة مكيفة ، وانطلقت الى مجاهل افريقيا للذهاب الى اللجنة الانتخابية ، لان لجنتي على محل سكني القديم 
اندهش سائق التاكسي من حماسي للذهاب كل تلك المسافة البعيدة ، خصوصا مع حملي ووجود عمر في يدي.. لم اقل له انها لحظة فارقة امر بها للمرة الاولى.. فضلت الصمت
وصلت اللجنة لاجد زحاما كبيرا من السيدات ووجود شبه منعدم للرجال
دخلت اللجنة وادليت بصوتي وصورت ورقتي بكاميرا الموبايل تاريخا للحظة ، ثم خرجت
اضطررت لركوب توك توك ينقلني الى الشارع الرئيسي ، وسائقه كان شخصا يبدو بسيطا يرتدي جلبابا.. سالني : انتخبتي مين؟ قلت له : قول انت الاول انتخبت مين؟
اجابني : منتخبتش شفيق ولا عمرو موسى عشان واكلين مع مبارك على طبلية واحدة.. حرامية زيهم زيه
والاسلاميين يا مدام كدابين.. انا قبطي وانتخبتهم في مجلس الشعب وطلعوا كدابين
قلتله اومال انتخبت مين؟ قالي : حمدين صباحي 
نسيت ان اقول اني انا ايضا قد علقت صوتي امانة في عنق حمدين صباحي.. قد لا يصبح رئيسا هذه المرة ، لكنه لو فاز فهو يحمل امانة كبيرة اشفق عليه منها ، وارجو ان يعينه الله عليها ، واظنه على قدر الامانة


5 كلام الناس:

فاتيما يقول...

:)

المرة الجاية
يكون عمر شايل على
وبيلاعبه لحد انتى ما تخلصى ..

حمدين اظنه هيكون
الاختيار القادم ..
لما تقوم الثورة تانى ..

ساعتها مش هندور كتير ونلف
ونقول نختار مين ..

ان شاء الله

وعن تلك اللحظة
احنا محظوظين اننا بنعيشها
وبنعيش الأيام دى اصلاااااااا


بوسات وحضونات
يا أرق مخلوقات الله

عالمى ازرق يقول...

المهم انك اخترتى اللى يعبر عنك .. واللى شايفه انه الاصلح

بوبو يقول...

طمطم يا روح قلبي
ربنا يخليكي
مش هتكلم عن احباطي من النتائج الاولية
بس هقولك اني كنت متحمسة بجد
وفرحانة بجد
اني رايحة ادي صوتي لحد حاسة انه يستاهل
في انتخابات الرئاسة
جايز فعلا يكون حمدين الاختيار المثالي للمرحلة اللي بعد دي
وجايز تحصل حاجة تقلب الموازين
كل شيء جايز
بس الاكيد
اني مش ندمانة اني اديته صوتي
اما عمر و علي
فانا حاسة اني وقعت في ملقف رجولي عصابي ومحدش سمى عليا
صحيح سي كينج توت بيعلن تضامنه الكلي والجزئي معايا من دلوقت
بس انتي عارفة
ان الندالة مبدا
وجايز لما يلاقي الرجالة اغلبيةفي البيت
يندل معايا
دعواتك يا حلى انسانة في الدنيا

بوبو يقول...

ازرق
يا اهلا يا اهلا
دا رايي برضه
اني اختار اللي يعبر عن مبادئي ورايي
بغض النظر هو فيه احتمال يكسب ولا لا
لاني بختار مبادئ
مش فرص مكسب
وان كنت متعشمة في ربنا خير برضه
انه ميضيعناش
تحياتي

السيارات يقول...

تسلم الايادي

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي