السبت، 1 سبتمبر، 2012

سي علي اخو سي عمر

الحمد لله رب العالمين

قمت بالسلامة ، وربنا رزقني واد حليوة شكل ابوه

اسمه سي علي

ربنا يباركلنا في عمر وعلي

صحيح انا كنت متعشمة لاخر لحظة ان الدكاترة يطلعوا غلطانين 

والسونارات كلها تطلع بايظة

واكون حامل في الست خديجة الشهيرة بـ ديجا

لكن الحمدلله على نعمته

علي برضه بالدنيا

وكميل خالص وهو عامل زي القطة اللي لسه مولودة

ومن غرائب القدر

انه اتولد يوم 21/ 8 

تاريخ ميلاد انسان غالي علينا اوي

هو والست مامته الغالية

فكان لازم اول ما افوق من البنج

اقول لجوزي: ابعتلها رسالة فرحها


5 كلام الناس:

لبنــــــــــى يقول...

حمد الله على السلامة و يا رب يخليلك عمر و علي :)
و يتربوا بعزكم
انا مستنية السبوع المصري الحلو
و الشمع و هاي القصص :))))

candy يقول...

الف مبروك .. ربنا يبارك فيهم هما الأتنين ويفرحكم بيهم دايماً :)

عقبال البنوتة ;)

فاتيما يقول...

الانسان الغالى
لو كان هنا
كان هيقولك شفتى يا طنط
دا مقصود ومش صدفة .. انا أصلى
زى هارى بوتر وبعمل سحر و بروح مدرسة السحرة ومحدش عارف الحكاية ...

:)



اما مامته بقى
بتقولك
ألف حمدلله ع السلامة
وعلى نوّر الدنيا ...
وبلاها ديجا النوبة دى وخليها
النوبة الجاية
:)

وعقبال ما تجوزيه
هوه وعمر ف ليلة واحدة
وتشيلى انتى ووليد عيالهم
وتحضروا أفراحهم كمان

:-*


الف مليون حمدلله ع السلامة


دول انتى وعلى يا ويكا
http://data.whicdn.com/images/32322916/mommy-baby-cat-sleep-fluffy-cute-animal-600x375_large.jpg


ودول انتى وعمر بيكا
http://25.media.tumblr.com/tumblr_m6yp2j8bhB1qh66wqo1_500.jpg

ودول انتى ووليد والعيال :)

http://d2tq98mqfjyz2l.cloudfront.net/image_cache/1328712204828807.jpg

ربنا يسعد كل ايامكم .. يا رب

فاتيما يقول...

http://www.youtube.com/watch?v=iqPSB4QJBU4

بموووووووووت ف الغنوة دى
عشان سعاد المبهجة ..
وعشان الفرحة
وعشان جاهين

وعشان كل حاجة حلوة


norahaty يقول...

حمدا لله على السلامة
ومبروك ما رزقكم الله

عني

صورتي
بوبو
"رَبّ إني لما أنزلتَ إليَّ من خيرٍ فقير "
عرض الملف الشخصي الكامل الخاص بي